مغربی اترپردیش صدر چودھری ریا نے ای ٹی وی بھارت اردو سے بات چیت کرتے ہوئے کہا کہ اترپردیش میں بڑھتے جرائم کو دیکھتے ہوئے ریاست میں آتے ہوئے بھی ڈر لگتا ہے، خواتین پر ہو رہے ظلم و ستم کے معاملات میں مسلسل اضافہ ہو رہا ہے لیکن موجودہ ریاستی حکومت خواتین کی حفاظت کے لیے کوئی خاص قدم نہیں اٹھارہی ہے، حکومت کو چاہیے کہ عصمت دری کے معاملے میں قصورواروں کو پھانسی کی سزا دلائے۔
مغربی اترپردیش کانگریس سیوا دل کے صدر اروند پال نے کہا کہ کانگریس پارٹی آئندہ اسمبلی انتخابات کے لیے کسی پارٹی سے اتحاد کرے گی یا بغیر اتحاد کئے الیکشن لڑے گی اس بات کا فیصلہ پارٹی کے سینئر رہنماء کریں گے، فی الحال اتحاد کے بارے میں کچھ نہیں کہا جا سکتا۔
تبدیل مذہب کے سوال پر انہوں نے کہا کہ جب جب انتخابات نزدیک آتے ہیں تو بی جے پی اسی طرح کے مسائل سے لوگوں کو بہکانے کی کوشش کرتی ہے اور اپنی ناکامی چھپانے کی کوشش کرتی ہے۔
انہوں نے ملک میں بڑھ رہی مہنگائی پر کہا کہ اگر مہنگائی سے عوام نجات پانا چاہتی ہے تو موجودہ حکومت کو اقتدار سے بےدخل کرنا ہوگا اور کانگریس کو دوبارہ اقتدار میں لانا ہوگا۔
