دو اکتوبر کو جہاں ملک بابائے قوم مہاتما گاندھی اور لال بہادر شاستری کی یوم پیدائش مناتا ہے۔ وہیں ریاست اتراکھنڈ کے لیے یہ دن تاریخ کا ایک سیاہ دن ہے کیونکہ دو اکتوبر سنہ 1994 کو ہی الگ ریاست کا مطالبہ کر رہے احتجاجیوں کے ساتھ جو واقعہ پیش آیا وہ تاریخ بن گئی۔
الگ ریاست کے مطالبہ کے لیے احتجاج کے دوران تقریبا سات سے زیادہ افراد ہلاک اور 250 کے قریب زخمی ہوئے تھے۔ جہاں یہ واقعہ پیش آیا وہاں پر اب اتراکھنڈ شہید میموریل بنایا گیا ہے۔
دو اکتوبر پر ریاست اترپردیش کے ضلع مظفر نگر میں واقع رامپور کی تیراہ پر اتراکھنڈ شہید میموریل پر ہر سال کی طرح اس سال بھی ایک پروگرام منعقد کیا گیا جس میں اتراکھنڈ کے وزیراعلی پُشکر سنگھ دھامی موجود رہے۔
یہ بھی پڑھیں: گیا میں مہاتما گاندھی میموریل کی اہمیت
اترا کھنڈ کے وزیراعلی پشکر سنگھ نے بابائے قوم مہاتما گاندھی اور لال بہادر شاستری کے یوم پیدائش کے موقع پر ان کی تصویر پر پھول چڑھا کر ان کو یاد کیا اور اتراکھنڈ کے لیے جان دینے والوں کو بھی خراج عقیدت پیش کیا۔ اس پروگرام میں کافی تعداد میں لوگ موجود رہے۔
