اتر پردیش: گریٹر نوئیڈا کے یمنا ایکسپریس وے پر دو نوجوانوں نے پہلے فلمی اسٹائل میں روڈ ویز کی بس کو اوور ٹیک کیا اور اس کے بعد بس روک کر اس کے ڈرائیور کو ڈنڈوں سے پیٹنا شروع کر دیا۔ اس واقعہ میں بس ڈرائیور زخمی ہوگیا۔ اس واقعہ کے بعد ایکسپریس وے کے سکیورٹی کے دعووں کی قلعی کُھلتی نظر آ رہی ہے۔ جہاں بیچ سڑک پر گاڑی روک کر دو نوجوان بس ڈرائیور کو پیٹ رہے ہیں۔ پولیس کا کہنا ہے کہ کار کو اوور ٹیک کرنے پر جھگڑا ہوا۔ اس کی ویڈیو سوشل میڈیا پر وائرل ہوگئی ہے۔ پولیس افسران کی ہدایت پر دونوں ملزمان کو گرفتار کیا گیا ہے۔The bus driver beaten by two youths on the Yamuna Expressway
پولیس نے بتایا کہ نوئیڈا سے متھرا جانے والی روڈ ویز کی بس دنکور کوتوالی علاقے میں واقع فارمولا ون کے قریب پہنچی تھی۔ الزام ہے کہ اس دوران کار میں سوار نوجوانوں نے بس کو اوورٹیک کیا اور انہیں روکا۔ دونوں ملزمین نے پہلے بس ڈرائیور ستویر سنگھ ساکن کھیر ضلع علی گڑھ کے ساتھ بدسلوکی کی اور جب اس نے احتجاج کیا تو اسے لاٹھی سے پیٹنا شروع کر دیا۔ اس دوران ڈرائیور کو مار پیٹ سے بچانے کے بجائے بس میں موجود لوگ خاموش تماشائی بنے رہے۔ اس واقعی کی ویڈیو راہگیروں نے بنائی۔ واقعے کے بعد راہگیروں نے پولیس کو ٹیگ کرتے ہوئے ویڈیو ٹویٹ کیا۔
کمشنر دفتر کی جانب سے معاملے کا فوری نوٹس لیتے ہوئے دنکور پولیس کو ملزمین کی شناخت کرنے کا حکم دیا گیا تھا۔ پولیس نے مقدمہ درج کرکے تفتیش شروع کردی اور دونوں ملزمان کو گرفتار کرلیا۔ گرفتار ملزمان رانو اور قاسم ساکن مہندی پور تھانہ ربو پورہ نوئیڈا اتر پردیش کے رہائشی ہیں۔ پولیس نے ملزمان کی ٹیکسی بھی قبضے میں لے لی ہے۔
