سری نگر: جموں و کشمیر سمیت ہندوستان بھر میں سردی کی لہر جاری ہے۔ دریں اثنا، لداخ کے دراس میں درجہ حرارت صفر سے نیچے 22 ڈگری سیلسیس تک پہنچ گیا ہے۔ وادی کشمیر میں دن کے وقت دھوپ پڑ رہی ہے، تاہم وادی میں رات کا درجہ حرارت معمول سے کم ریکارڈ کیا گیا ہے۔
محکمہ موسمیات نے آنے والے دنوں میں موسم ابر آلود رہنے کی پیش گوئی کی ہے۔ دوسری جانب سرد صحرائی لداخ کے دو اضلاع لیہہ میں پارہ منفی 12.5 ڈگری سیلسیس اور کرگل میں منفی 14.5 ڈگری سیلسیس ریکارڈ کیا گیا۔ جبکہ دراس میں درجہ حرارت منفی 22.7 ڈگری سیلسیس پر سب سے سرد رہا۔ جموں و کشمیر کے گرمائی دارالحکومت سری نگر میں چلئی کلاں کے سخت ترین 40 دنوں کے دوران دھوپ والا موسم دیکھا گیا اور درجہ حرارت منفی 3.6 ڈگری سیلسیس ریکارڈ کیا گیا۔
گلمرگ اپنی الپائن اور برفیلی برف کے باعث اسکائیرز کے لیے سردیوں کا ایک اہم مقام ہے۔ یہاں بھی درجہ حرارت صفر سے نیچے 6.5 ڈگری سیلسیس تک پہنچ گیا۔ گزشتہ ہفتے ہونے والی برف باری کے بعد برف سے ڈھکی یہ موسم سرما کی منزل سیاحوں سے کھچا کھچ بھری ہوئی ہے۔ اسی طرح، قاضی گنڈ، جو کشمیر کا گیٹ وے ہے، میں درجہ حرارت منفی 6.5 ڈگری سیلسیس پر رہا، جب کہ مشہور سیاحتی مقام پہلگام جنوبی کشمیر میں منفی 7.6 ڈگری سیلسیس کے ساتھ سرد ترین رہا۔
شمالی کشمیر کے سرحدی ضلع کپواڑہ میں درجہ حرارت منفی 4.4 ڈگری سیلسیس ریکارڈ کیا گیا، جب کہ بانڈی پورہ میں یہ منفی 3.6 ڈگری سیلسیس اور بارہمولہ میں منفی 2.6 ڈگری سیلسیس ریکارڈ کیا گیا۔ اسی طرح وسطی کشمیر کے سونمرگ میں درجہ حرارت منفی 3.6 ڈگری سیلسیس ریکارڈ کیا گیا۔ دوسری طرف جموں میں 7.1 ڈگری سیلسیس، کٹھوعہ میں 7.3 ڈگری سیلسیس، ادھم پور میں 5.8 ڈگری سیلسیس درجہ حرارت ریکارڈ کیا گیا۔ دریں اثنا، سرینگر میں موسمیاتی مرکز نے جموں میں اونچائی پر ہلکی بارش اور برفباری کے ساتھ ابر آلود موسم کی پیش گوئی کی ہے۔
