ریاست اترپردیش کے ضلع مرادآباد میں تھانہ ٹھاکر علاقے کے شریف نگر میں ایک تین سالہ معصوم بچے کی لاش برآمد ہوئی ہے جس کی وجہ سے علاقے میں ہڑکمپ مچ گیا ہے۔
خیال رہے کہ بچہ کل دوپہر سے غائب تھا۔ بچے کے گھر سے کچھ ہی دوری پر تالاب کے کنارے بچے کی لاش برآمد ہوئی ہے۔ پولیس نے بچے کی لاش کو قبضے میں لیکر پوسٹ مارٹم کے لیے بھیج دیا ہے اور اس معاملے میں پولیس نے نامعلوم افراد کے خلاف مقدمہ درج کرکے تفتیش شروع کر دی ہے۔
اس معاملے کی جانکاری دیتے ہوئے ایس پی دیہات ودیا ساگر نے بتایا کہ بچے کی عمر تین برس ہے۔ بچہ کل دوپہر کھیلتے ہوئے اچانک گھر سے غائب ہوگیا تھا۔ کل کافی تلاش کرنے کے بعد بچہ نہیں ملا تھا۔ لیکن دیر شام بچے کی لاش گھر سے کچھ ہی دوری پر تالاب کے کنارے پڑی ہوئی ملی۔
یہ بھی پڑھیں: ایودھیا: مسجد کے لیے منظور اراضی کے خلاف عرضی دائر
ایس پی نے مزید کہا کہ بچے کے والد نے بتایا کہ ان کی کسی سے کوئی دشمنی نہیں تھی۔ فی الحال پولیس نے اس معاملے میں دفعہ 302 کے تحت مقدمہ درج کرکے اسپیشل ٹیم بناتے ہوئے جلد اس کا خلاصہ کرنے کی بات کہی ہے۔
