واضح رہے کہ گزشتہ ماہ ضلع شاہ جہاں پور میں بی جے پی رہنما و سابق مرکزی وزیر سوامی چنمیانند کی جانب سے جنسی زیادتی کا معاملہ سامنے آیا تھا۔اس کے بعد متاثرہ لڑکی کی جانب سے سوامی کی حرکتوں پر مبنی ویڈیوز کو وائرل کیا گیا تھا۔
کانگریس رہنما نے مزید کہا کہ بی جے پی حکومت متاثرہ کے ساتھ انصاف کرنے کے بجائے سوامی چنمیانند کو بچانے میں لگی ہوئی ہے۔
کانگریس کے لال جی، رکن اسمبلی آرادھنا سنگھ، سہیل انصاری کے علاوہ دیگر سینیئر رہنماؤں نے شاہ جہاں پور پہنچ کر حکومت کے طرز عمل پر احتجاج کرنے کی کوشش کی لیکن انہیں روک دیا گیا۔
احتجاج کرنے جارہے کانگریس کے رہنماؤں کو پولیس نے گرفتار کرلیا۔
اس کے بعد لکھنوں میں کانگریس کے سینئر رہنما پی ایل پونیا صحافیوں سے بات کرتے ہوئے یوگی حکومت کو تاناشاہی حکومت سے تعبیر کیا۔
انہوں نے کانگریس رہنماؤں کی گرفتاری پر سخت احتجاج کرتے ہوئے افسوس ظاہر کیا کہ جو ملزم ہے وہ آزاد ہے اور جو مظلوم ہے اسے قید و بند میں رکھا گیا ہے۔
پی ایل پونیا نے مزید کہا کہ اگر حکومت اسی طرح ہماری آواز کو دبانے کی کوشش کریگی تو ہم اور زیادہ قوت کے ساتھ احتجاج کو ریاست کے دوسرے علاقوں تک وسعت دیں گے۔
