مئو: اساتذہ کی حکومت سے طلبہ کے مستقبل پر غور کرنے کی اپیل

مئو میں یوم اساتذہ کے موقع پر اساتذہ اور سرپرستوں نے حکومت سے تعلیمی سرگرمیوں پر نئی گائیڈ لائن جاری کرنے کا مطالبہ کیا ہے۔ اساتذہ نے حکومت سے طلبا و طالبات کے مستقبل پر سنجیدگی سے غور کرنے کی اپیل کی ہے۔ اساتذہ کی دلیل ہے کہ جب بازاروں کو عوام کی سہولت کے لیے کھولنے کی اجازت دے دی گئی تو اسکولوں کو کیوں نہیں؟

واضح رہے کہ اترپردیش حکومت نے گزشتہ برس 2019-20 سے تعلیمی سیشن میں تبدیلی کی ہے۔ گزشتہ برسوں میں یکم جولائی سے شروع ہونے والے سیشن کا اختتام سالانہ امتحانات کے فوراً بعد ہو جاتا تھا۔

نئے تعلیمی کیلنڈر کے مطابق اب اترپردیش کے پرائمری سے لیکر انٹرمیڈیٹ تک کے اسکول یکم اپریل سے شروع ہو رہے ہیں۔ ہر سیشن کا اختتام 31 مارچ کو ہوتا ہے۔

موسم گرما کی تعطیلات میں بھی تبدیلی کی گئی ہے۔ اب تعطیل 20 مئی سے 30 جون تک جاری رہتی ہیں۔

رواں برس کے مارچ ماہ سے ہی کورونا وائرس سے تحفظ کے لیے لاک ڈاؤن کا اعلان کر دیا گیا ہے۔ طلبا و طالبات کے سالانہ امتحان کے نتائج کا اعلان تو ہو گیا، لیکن نئے سیشن کا آغاز ابھی تک نہیں ہو سکا ہے۔

نئے سیشن میں بچے ایک روز بھی اسکول میں حاضری نہیں دے سکے ہیں۔