اس احتجاج کی رہنمائی کرنے والی ایڈوکیٹ شازیہ نے ای ٹی وی بھارت سے بات چیت کرتے ہوئے کہا کہ سی اے اے کو حکومت واپس لے۔ یہ قانون ہمارے آئین کے خلاف ہے، اسی کی مخالفت میں احتجاج کیا جا رہا ہے۔
ایڈوکیٹ شازیہ نے کہا کہ جب سے ملک آزاد ہوا ہے تب سے یہ پہلا ایسا قانون بنا ہے جس میں کسی خاص مذہب کو اس قانون سے باہر رکھا گیا ہے۔
انہوں نے کہا کہ "وزیراعظم نریندر مودی کے لیے آر ٹی آئی ڈالی گئی تھی اور معلوم کیا گیا تھا کیا نریندر مودی بھارت کے شہری ہیں یا نہیں۔ ان کے شہری ہونے کا کیا ثبوت ہے۔ جواب آیا کہ بھارت میں ان کا جنم ہوا ہے اس لیے وہ بھارتی ہیں۔ جس طرح سے نریندر مودی نے بھارت میں جنم لے کر بھارتی ہونے کا ثبوت دیا ہے تو ہم نے بھی اس ملک میں جنم لیا ہے تو ہمیں بھی اس ملک کا شہری تسلیم کیا جائے"۔
انہوں نے مزید کہا کہ ووٹ دینے والا اگر بھارتی نہیں ہے تو ووٹ پانے والے بھارتی کیسے ہو سکتے ہیں۔
