مئو: تبلیغی جماعت کے افراد پر نظر

ریاست اترپردیش کے مئو ضلع میں تبلیغی جماعت کے پیش نظر انتظامیہ پوری طرح سے الرٹ ہے اور خفیہ اطلاعات پر پولیس کی ایک ٹیم تبلیغی جماعت سے لوٹ کر آئے لوگوں کو تلاش کر رہی ہے۔

ریاست اترپردیش کے مئو ضلع میں تبلیغی جماعت کے پیش نظر انتظامیہ پوری طرح سے الرٹ ہے اور خفیہ اطلاعات پر پولیس کی ایک ٹیم تبلیغی جماعت سے لوٹ کر آئے لوگوں کو تلاش کر رہی ہے۔

پولیس اہلکار کا کہنا ہے کہ انہیں خفیہ جانکاری ملی ہے کہ مئو میں کچھ لوگ تبلیغی جماعت سے لوٹ کر گھر آئے ہیں۔ اس لئے اس ضمن میں پولیس افسران کا کہنا ہے کہ ایسے تمام لوگ جو تبلیغی جماعت میں شرکت کے بعد واپس آئے ہیں، ان کے طبی چیک اپ کے بعد کورنٹائن کیا جا رہا ہے.

تبلیغی جماعت کے پیش نظر انتظامیہ الرٹ

مئو کے مرزا جمال پور قصبہ میں جب ای ٹی وی بھارت نے اس سے متعلق مئو کے ڈپٹی ایس پی ابھینو کنوجیا سے بات کی تو ان کا کہنا تھا کہ تبلیغی جماعت میں شرکت کے بعد واپس آ کر جن افراد نے محکمہ صحت کو جانکاری نہیں دی یا چیک اپ نہیں کرایا، ان کی تلاش کی جا رہی ہے۔ کورونا وائرس سے تحفظ کے لئے مئو پولیس کافی محتاط ہے۔