اترپردیش بی جے پی کے ریاستی صدر وارانسی کے دو روزہ دورے پر ہیں۔ اس دورے کے دوسرے دن سو تنتر دیو سنگھ نے کارکنوں کے ساتھ اہم میٹنگ کی۔ اس دوران انہوں نے 11 فروری کو پنڈت دین دیال اپادھیائے کی یوم وفات پر منائے جانے والے پروگرام کی تیاریوں کا بھی جائزہ لیا۔
جائزہ اجلاس سے قبل انہوں نے کانگریس پر تنقید کرتے ہوئے کہا کہ کانگریسی پاگل ہوگئے ہیں اور راہل گاندھی پاگل کی طرح باتیں کررہے ہیں۔
انہوں نے کہا کہ راہل گاندھی کو سوچنا چاہیے کہ وہ قومی سطح کی پارٹی کی قیادت کر رہے ہیں اور فکری اعتبار سے پسماندہ ہے۔
واضح رہے کہ راہل گاندھی نے دہلی کے انتخابی ریلی میں کہا تھا کہ ملک میں بے روزگاری بڑا مسئلہ بنتے جا رہا ہے ایسے میں ملک کا نوجوان وزیراعظم نریندرمودی کو ڈنڈے سے مارے گا ۔ اسی کے ردعمل میں ریاستی صدر نے 'راہل گاندھی کو ذہنی پسماندگی اور پاگل کی طرح بات 'کرنے کی بات کہی۔
سواتنترودیو سنگھ نے کہا کہ 11 فروری کو پنڈت دین دیال جی کی تاریخ پیدائش ہے۔ ہم اس دن کو 'یوم اعتراف' کے طور پر منائیں گے۔ اس کے بعد ہم چوپال کے ذریعہ ضلع کے ایک گاؤں میں لوگوں کے درمیان پہنچیں گے اور نریندر مودی حکومت کی حصولیابوں کو بارے میں بتاکر ان کے شکوک و شبہات کو دور کریں گے۔
