واضح رہے کہ یہ کیس چار جون 2017 کا ہے جب ایک نابالغ لڑکی نے بی جے پی کے معطل ایم ایل اے کلدیپ سنگھ سینگر پر الزام لگایا تھا کہ 'اس نے اپنے گھر پر زیادتی کی ہے۔ لڑکی کام کی تلاش میں ایم ایل اے کے گھر گئی تھی۔'
اس کیس میں کلدیپ سنگھ سینگر عدالتی تحویل میں ہیں۔ نو اپریل 2018 کو لڑکی کے والد کی پولیس تحویل میں موت ہوگئی ۔سینگر کے خلاف اس وقت قتل کا ایک اور مقدمہ درج کیا گیا جب لڑکی کے وکیل اور رشتہ دار کے ساتھ سڑک حادثہ ہوا۔
اطلاع کے مطابق اناؤ کے رکن اسمبلی کلدیپ سیںگر پر الزام لگانے والی متاثرہ جیل میں ملنے اپنے چچا کے پاس جارہی تھی۔ ساتھ میں ان کے وکیل مہیندر سنگھ بھی تھے۔تبھی تیز رفتار ٹرک نے ٹکرماردی۔
عینی شاہدین کے مطابق ٹرک کی رفتار 100 کلو میٹر تھی۔ ٹرک کے آگے نمبر پلیٹ پر سیاہ پٹی تھی۔ جبکہ پیچھے یو پی71 اے ٹی 8300 لکھا ہے۔
حالانکہ پولیس کی مستعدی کی وجہ سے ڈرائیور کی گرفتاری ہو چکی ہے۔ڈرائیور کا نام آشیش پال بتایا جا رہا ہے۔جو فتح پور کا رہنے والا ہے۔
