طلباء یونین کا بی ایچ یو انتظامیہ کے خلاف مظاہرہ

بنارس ہندو یونیورسٹی کے طلباء یونین ہاؤس کے احاطے میں گزشتہ تین روز سے طلباء امتحانات کو موخر کرنے کے لیے مظاہرہ کر رہے ہیں۔

این ایس یو آئی کے ریاستی صدر اکھلیش یادو نے ای ٹی وی بھارت سے بات کرتے ہوئے کہا کہ آئے دن کورونا کہ کیسز میں بے تحاشہ اضافہ ہو رہا ہے. بھارت میں اس وقت تقریباً 26 لاکھ سے زیادہ کورونا کے کیسز ہو چکے ہیں وہیں بنارس میں تین ہزار سے زائد کورونا کے کیس کی تصدیق ہو چکی ہے ہے ایسے وقت میں بنارس ہندو یونیورسٹی کا اہلیتی امتحانات منعقد کرانا خطرے سے خالی نہیں ہے طلباء کی صحت کے ساتھ کھلواڑ ہے.

انہوں نے بتایا کہ گزشتہ تین روز سے طلباء مظاہرہ کر رہے ہیں امتحان کو موخر کیا جائے جب کورونا کے کیس میں کمی واقع ہوگی تب انتظامیہ امتحانات منعقد کرائے اگر ایسا نہیں ہوتا ہے تو بنارس سمیت مختلف اضلاع کے مختلف پولیس تھانوں میں بنارس ہندو یونیورسٹی کے وائس چانسلر سمیت پراکٹر کے خلاف ایف آئی آر درج کرایا جائے گا.انہوں نے کہا کہ کورونا کے کیسز میں مزید اضافہ ہو رہا ہے جبکہ اسپتال کا بھی انتظام نہیں ہے ایسے میں بچوں کا امتحانات کے لئے آنا خطرے سے خالی نہیں ہے وہ کہیں نہ کہیں کورونا انفیکشن میں بے تحاشہ اضافہ ہونے کا بھی خدشہ ظاہر کیا جا رہا ہے، جسے بی ایچ یو انتظامیہ نظر انداز کر رہی ہے.