ریاست اتر پردیش کے ضلع بدایوں سمیت ریاست کے مختلف علاقوں میں جنسی زیادتی کے کیسز میں مسسل اضافہ ہو رہا ہے اور وزیر اعلی یوگی ادتیہ ناتھ کا 'جرائم فری ریاست' کا دعویٰ غلط ثابت ہو رہا ہے۔
اتر پردیش میں 3جنوری 2021 کو بدایوں کے اگھیتی میں پیش آئے جنسی زیادتی کے معاملے پر طالبات نے کھل کر اپنی بات رکھی۔
ای ٹی وی بھارت سے بات چیت کرتے ہوئے کہا کہ تعلیم و بہتر تربیت خواتین کا تحفظ کر سکیں گی، مانسی یادو نامی خاتوں نے کہا کہ لڑکوں کو سمجھنا چاہیے کہ ایسا بالکل نہ کریں، وہیں دوسری طالبہ گنجن سنگھ کا کہنا ہے کہ لڑکیوں کے لیے الگ تعلیم کا نظام ہو جس سے وہ شروع سے ہی محفوظ رہیں۔
واضح رہے کہ جنسی تشدد اور خواتین کے خلاف جرائم مسلسل بڑھتی جا رہی ہے، سب سے اہم بات یہ ہے کہ ریاست اتر پردیش میں گزشتہ دنوں میں جنسی تشدد کے واقعات میں نمایاں اضافہ ہوا ہے جو نہ صرف حیران کن ہے بلکہ یہ ریاست بھر کی خواتین کے لیے ایک تشویش کا باعث بنا ہوا ہے۔
