اسی کے پیش نظر سنیچر کی شب ضلع مجسٹریٹ اور ایس پی نے شہر میں فلیگ مارچ کرکے عوام سے اب تک جس قسم کا تعاون حاصل ہوا ہے اسی طرح لاک ڈاؤن 3 میں بھی تعاؤن کرنے کی خواہش ظاہر کی ہے۔
واضح رہے کہ ضلع بارہ بنکی گرین زون میں شامل ہے. لیکن پڑوس ضلع لکھنؤ ریڈ زون میں شامل ہے اور بارہ بنکی سے لکھنؤ کی سرحد سب سے قریب ہے۔
یہی نہیں لکھنؤ سے یہاں آنے جانے والے افراد کی تعداد بھی زیادہ ہے اس لیے ضلع انتظامیہ کسی بھی قسم کی کوتاہی نہیں کرنا چاہتا ہے۔
چونکہ زیادہ تر افراد گرین زون کی وجہ سے کافی جوش میں ہیں اسی کو لیکر ضلع مجسٹریٹ اور ایس پی نے خود شہر میں فلیگ مارچ کیا۔
ساتھ تمام تحصیلوں میں ایس ڈی ایم اور سی او کے ذریعہ یہ فلیگ مارچ کیا گیا ہے۔
پولیس سپریٹینڈنٹ ڈاکٹر اروند چترویدی نے بتایا کہ فلیگ مارچ کے ذریعہ یہ پیغام دینا چاہتے ہیں کہ جس طرح تمام محکمہ کے ملازمین دن رات خدمت کرکے کورونا وائرس سے جنگ لڑ رہے ہیں، اسی طرح عام عوام بھی اسے سمجھے اور تمام احتیاط کریں۔
ساتھ ہی یہ پیغام بھی دینا ہے کہ پولیس عوام کی حفاظت میں مستعد ہے، لیکن اگر کوئی قانون توڑنے کی کوشش کرے گا تو اس کے خلاف سخت کاروائی کی جائے گی۔
