اترپردیش کے ضلع مظفر نگر میں کورونا کا قہر جاری ہے، یہی وجہ ہے کہ ریاستی حکومت کی جانب سے تین روز کا لاک ڈاؤن نافذ کیا گیا ہے۔
اس لاک ڈاؤن کا مقصد یہ ہے کہ کسی طرح کورونا پر قابو پایا جا سکے، اس تین روزہ لاک ڈاؤن کے مدنظر ضلع انتظامیہ بھی الرٹ ہو گئی ہے۔
صرف یہاں ضروری اشیاء کو ہی چھوٹ دی گئی ہے، بازار مکمل بند رہیں گے، شہر کے تمام مرکزی چوراہوں پر پولیس اہلکاروں کی تعیناتی ہے۔
لاک ڈاؤن میں کسی طرح کا کوئی لاپرواہی نہ ہو جس باعث پولیس اہلکاروں کو تعینات کیا گیا۔ وہیں بازاروں میں گھومنے والوں کے چالان بھی کاٹے جارہے ہیں اور کچھ کو سخت ہدایت بھی دی جارہی ہیں۔
اس ضمن میں مظفرنگر کے ایس ایس پی ابھیشیک یادو نے بھی عوام لاک ڈاؤن کی پیروی کرنے کی اپیل کی۔
انہوں کہا کہ بے وجہ گھر سے باہر نہ نکلے لاک ڈاؤن کی خلاف ورزی نہیں کریں ماسک، سینیٹائزر اور معاشرتی فاصلے پر خاص توجہ دیں۔
