نوجوانوں کو روزگار فراہم کرنے کےلیے محکمہ اسٹامپ کی پہل

نوجوانوں کو روزگار مہیا کرانے کے مقصد کے تحت محکمہ اسٹامپ نے ایک بڑی پہل کی ہے۔

اترپردیش میں محکمہ اسٹامپ اب ہر خواہشمند کو اسٹامپ وینڈنگ کا لائسنس دے گا جبکہ کچہری کے علاوہ دیگر مقامات پر اسٹامپ کی فروخت پر عائد پابندی کو ہٹا دیا گیا ہے۔

کچہری کے علاوہ دیگر مقامات پر بھی اسٹامپ کی فروخت کی اجازت کے بعد اب ہر کوئی کسی بھی مقام پر اسٹامپ فروخت کرسکتا ہے۔

ریاستی وزیر رویندر جیسوال نے بارہ بنکی کے دورہ کے موقع پر بتایا کہ محکمہ اسٹامپ نے روزگار مہیا کرانے کی غرض سے ہر خواہشمند کو وینڈنگ کا لائسنس دینے کےلیے قانون میں تبدیلی کی ہے۔ اب کوئی بھی شخص کہیں بھی اسٹامپ کو فروخت کرسکتا ہے۔

انہوں نے بتایا کہ اسٹامپ کی فروخت کرنے کے خواہشمند افراد کو محکمہ کو درخواست دے سکتے ہیں تاہم انہیں لائسنس مہیا کیا جائے گا۔ انہوں نے رجسٹری آفس میں بھی اسٹامپ کی کمی کو جلدازجلد دور کرنے کی بھی یقین دہانی کرائی۔