مرادآباد: ریاست اتر پردیش کے مرادآباد کے ایس پی سے رکن پارلیمان ایس ٹی حسن سے وزیر اعظم کے عہدے کے لیے اکھلیش یادو کے نام کے بارے میں پوچھا گیا تو انہوں نے کہا کہ وہ وزیر اعظم کے عہدے کے لیے بہت پرفیکٹ امیدوار ہیں۔ پوری اپوزیشن متحد ہوکر الیکشن لڑے گی۔ وزیراعظم کون بنے گا اس کا فیصلہ تمام ارکان پارلیمنٹ کریں گے۔ حالانکہ بیان میں انہوں نے کہا کہ اگر ایس پی کے ممبران اسمبلی کی تعداد زیادہ ہوئی تو اکھلیش یادو میں کوئی کمی نہیں ہے، وہ ایک وزیر اعظم کے لیے پرفیکٹ امیدوار ہیں۔ Akhilesh Yadav Perfect Candidate For PM
بہار کے وزیر اعلیٰ نتیش کمار نے بی جے پی سے اتحاد توڑ کر اپوزیشن جماعتوں سے ہاتھ ملایا اور دوبارہ بہار کے وزیر اعلیٰ بن گئے۔ بہار میں بی جے پی کو شکست دینے کے بعد اپوزیشن کو نتیش کمار جیسا بڑا چہرہ مل گیا ہے۔ اب یہ چرچا ہے کہ 2024 کے لوک سبھا انتخابات میں نتیش کمار پی ایم نریندر مودی کے خلاف میدان میں آ سکتے ہیں۔ ایسے میں جب مرادآباد کے رکن پارلیمان ایس ٹی حسن سے جب یہ سوال پوچھا گیا کہ ایس پی سربراہ اکھلیش یادو وزیر اعظم کے عہدے کے لیے چہرہ ہو سکتے ہیں، تو انھوں نے کہا کہ اکھلیش یادو وزیر اعظم کے عہدے کے لیے پرفیکٹ امیدوار ہیں۔'
