بارہ بنکی میں ہونے والے ورکشاپ میں جنگلی جانداروں پر ہونے والے جرائم اور ان پر موثر کارواہی کے بارے میں ماہرین نے مختلف جانکاریاں فراہم کیں اور اس کے تحفظ اور روک تھام کے لیے تجاویز بھی بتائیں۔
اس موقع پر 8 کروڑ شجر لگاکر گنیز بک آف ورلڈ ریکارڈ میں جگہ بنانے کے لئے محکمہ جنگلات کے افسران کو سند دی گئی۔
ورکشاپ کے مہمان خصوصی بارہ بنکی کے پولیس سپریٹینڈنٹ ڈاکٹر اروند چترویدی نے محکمہ جنگلات کے اہلکاروں کو وائیلڈ لائف کرائم کے بارے میں تفصیل سے جانکاری دی۔
اس کے ساتھ ہی انہوں نے اس نمٹنے کے کے لیے تجاویز و ہدایات بھی جاری کیں۔
مزید پڑھیں: اے ایم یو صد سالہ تقریبات کے موقع پر مفت کمبل تقسیم
ورکشاپ کو ٹرٹل سروائیول الائنس فاؤنڈیشن انڈیا کے ڈائریکٹر ڈاکٹر شیلیندر سنگھ نے بھی محکمہ جنگلات کے اہلکاروں کو ضروری جانکاری فراہم کی۔
انہوں نے بتایا کہ جیسے جیسے آبادی میں اضافہ ہو رہا ہے، ویسے ویسے وائیلڈ لائیف جرائم کو روکنے کے لیے چیلینجز میں بھی اضافہ ہوتا جا رہا ہے۔ انہوں نے اس سمت میں بھی عوامی بیداری پر بھی زور دیا ہے۔
