ریاست اتر پردیش کے نوئیڈا کے سیکٹر 31 میں بی ایس میموریل پبلک اسکول کے بچوں نے شہید بھگت سنگھ پارک میں یوم شہدا کے موقع پر 'ایک شام شہیدوں کے نام' پروگرام کا اہتمام کیا۔
اس پروگرام میں بچوں نے بھگت سنگھ، راج گرو اور سکھ دیو کی پھانسی پر مبنی ڈرامے پیش کیے، تینوں شہیدوں کو پھانسی دینے کے منظر کو دیکھ کر شائقین کی آنکھوں میں آنسوں نکل آئے۔
تقریب میں اداکاروں نے حب الوطنی پر مبنی گیتوں پر اپنی کارکردگی کا مظاہرہ کیا۔ اس موقع پر پروگرام کے کنوینر اور پرنسپل راجیش کمار نے کہا کہ اس طرح کے پروگراموں سے بچوں اور بڑوں میں حب الوطنی کے جذبات میں اضافہ ہوتا ہے۔
یہ بھی پڑھیں: آصف علی نے لڑا تھا بھگت سنگھ کا مقدمہ
اس موقع پر چودھری بالی سنگھ، سماج وادی پارٹی کے رہنما سنیل چودھری، سابق سماجوادی پارٹی کے ضلع ترجمان راگھویندر دبے، سماج وادی پارٹی کے صدر ریشپال اوانا، کسان ایکتا سنگھ کے قومی صدر سورن پردھان، ارجن پرجاپتی دیگر موجود رہے۔
