ریاست اترپردیش کے شہر مرادآباد سمیت پورے ملک میں کل یکم اگست اور چاند کی 10 ذی الحجہ کو پورے ملک میں عید الاضحٰی منائی جائے گی، اس خاص موقع پر ای ٹی وی کے نمائندے نے شیعہ عالم دین مولانا شکیل احمد جعفری صاحب سے عید الاضحٰی کے مطابق خاص بات چیت کی ہے۔
عیدالاضحٰی کیوں منائی جاتی ہے اس بات کا جواب دیتے ہوئے مولانا جناب شکیل احمد جعفری نے بتایا کہ اللہ کے اولوالعزم پیغمبر جناب ابراہیم علیہ السلام کو بیٹے اللہ کی راہ میں ذبح کرنے کا ذبح کرنے کا حکم دیکر اللہ نے ابراہیم علیہ السلام کا امتحان لے رہا تھا۔
جب ابراہیم علیہ السلام اپنے بیٹے کو اپنی آنکھوں پر پٹی باندھ کر ذبح کرنے لگے تو اللہ نے بیٹے کو ہٹاکر بیٹے کی جگہ دنبہ رکھ دیا اور دنبہ ذبح ہو گیا۔
آگے بتاتے ہوئے مولانا نے کہا کہ عوام عیدالاضحٰی کے موقع پر سرکار کی جانب سے جاری رہنما ہدایات کا خاص خیال رکھیں۔
