مورخ عرفان جونپوری سے خصوصی بات چیت

ریاست اترپردیش کے جونپور شہر میں شرقی و مغل دور کی تاریخی عمارتیں آج بھی موجود ہیں، ان میں سے چند تو آثارِ قدیمہ کی فہرست میں شامل ہیں اور بیشتر فہرست سے باہر ہیں۔ جونپور کو شاہجہاں بادشاہ نے 'شیراز ہند' کا خطاب بھی دیا تھا۔

جونپور کی تاریخی حیثیت اور یہاں پیدا ہونے والی نمایاں شخصیات کے متعلق ای ٹی وی بھارت کے نمائندے نے مورخ عرفان جونپوری سے تفصیلی گفتگو کی ہے۔

شیرازِ ہند جونپور کو فیروز شاہ تغلق نے 1362 میں جونا شاہ کے نام پر بسایا تھا، جو بعد میں جونپور ہوگیا۔ اس شہر میں شرقی و مغل دور کی تاریخی عمارتیں آج بھی موجود ہیں ان میں سے چند تو آثارِ قدیمہ کی فہرست میں شامل ہیں اور بیشتر فہرست سے باہر ہیں۔

دور قدیم سے لیکر موجودہ دور تک ایک سے بڑھ کر ایک نابغہ روزگار شخصیات نے جنم لیا۔ ان کے علمی کمالات نے اس شہر کو پورے عالم میں الگ پہچان دلایا۔ اس شہر کی نمایاں شخصیات آج بھی ملک و بیرونِ ملک میں اپنی خدمات کو انجام دے رہی ہیں۔

سر زمینِ جونپور پر اردو ادب میں نمایاں مقام حاصل کرنے والے پروفیسر رشید احمد صدیقی، پروفیسر مجتبیٰ حسین، مرزا متین سروش، پروفیسر عبدالودود، سلمی صدیقی، پروفیسر سید غلام سمنانی کا نام نامی قابلِ ذکر ہے۔

شعر و شاعری کے میدان میں بھی جونپور نے اپنے کو پیش۔پیش رکھا ہے، جس میں حفیظ جونپوری، شفیق جونپوری، کامل شفیقی، کاہش جونپوری، بخش جونپوری، شاکر مچھلی شہری، نظام جونپوری، عزیز ربّانی عزیز جونپوری،سلام مچھلی شہری وغیرہ کا نام سر فہرست ہے۔

یہ وہی شہر ہے جسے مدینۃ العلم و العلما کہا جاتا تھا اور جسے شاہجہاں بادشاہ نے 'شیراز ہند' کا خطاب دیا۔