کانپور: ریاست اترپردیش کے کانپور کی سیسہ مئو اسمبلی سیٹ سے سماج وادی پارٹی کے ایم ایل اے عرفان سولنکی، ان دنوں مہاراج گنج جیل میں بند ہے ۔ ان پر گینگسٹر سمیت تقریبا 22 مقدمات درج ہیں ۔ جس میں ایک مقدمہ کانپور کے چاج مئو علاقے میں ایک پلاٹ کو خالی کرانے کے لئے پلاٹ پر بنی جھونپڑی میں آگ لگانے کا الزام عائد ہے آگ زنی کے اس معاملے پر عرفان سولنکی کی عدالت میں پیشی تھی جس میں گواہوں کے بیانات اور گواہوں سے جراح شروع ہوگئی ہے۔ جراح مکمل نہ ہونے کی صورت میں عدالت نے 27 مارچ کی تاریخ مختص کی ہے۔ عرفان سولنکی جس وقت کانپور کی عدالت میں گاڑی سے اترے تو کافی بے فکر نظر آرہے تھے، انہوں نے عوام کو نوراتری اور لوگوں کو رمضان المبارک کی بھی مبارکباد پیش کی۔اس دوران انہوں نے مبارکباد پیش کرتے ہوئے دعاؤں کی گزارش بھی کی۔اس وقت کانپور کورٹ کے باہر سخت سکیورٹی انتظامات کیے گئے تھے۔
- یہ بھی پڑھین: Police Action Against MLA Irfan Solanki رکن اسمبلی عرفان سولنکی کی تیس کروڑ روپے کی جائیداد ضبط
یاد رہے کہ رکن اسمبلی عرفان سولنکی پر ایک کے بعد ایک کئی مقدمات درج کیے گئے ہیں۔ پولیس نے ان پر لینڈ مافیا ہونے کا الزام عائد کرتے ہوئے ان سے وابستہ تمام اثر رسوخ والے افراد کو زمینوں کا کام کرنے والا ایک گروہ قرار دیا ہے اور عرفان سولنکی کو اس گروہ کا سربراہ بتایا ہے۔ پولیس نے عرفان سولنکی پر گینگسٹر کی دفعہ لگا دی۔ کانپور، یوپی پولیس نے سماج وادی پارٹی کے ایم ایل اے عرفان سولنکی کی کروڑوں روپے کی جائیداد ضبط کرلی ہے۔ وہیں کانپور پولیس نے جائیداد کو قرق کرنے کی کارروائی کرتے ہوئے عرفان کے قریبی دوستوں پر بھی گینگسٹر ایکٹ لگا دیا ہے۔
