ریاست اترپردیش کے شہر میرٹھ میں آج آئیڈیل ایجوکیشنل ویلفیئر سوسائٹی کی زیر اہتمام ایک ’کلوتھ بینک‘ کا قیام عمل میں لایا گیا۔
میرٹھ کے اس کلوتھ بینک کے ذریعہ غربا و مساکین کو سردیوں سے بچنے کے لیے کمبل تقسیم کیے گئے۔
اس کے ساتھ ہی ان کی ضرورت کے مطابق کلوتھ بینک کے ذریعے دوسرے کپڑے بھی مہیا کرائے جا رہے ہیں۔
مغربی اترپردیش میں سردی شباب پر ہے۔ کڑاکے کی اس سردی کے عالم میں غریب افراد کا جینا مشکل ہو رہا ہے۔
خاص کر غریبوں کے پاس گرم کپڑے نہ ہونے سے ان کو سردی کے موسم میں مشکلات پیش آ رہی ہیں۔
مزید پڑھیں:اے ایم یو صد سالہ تقریبات کے موقع پر مفت کمبل تقسیم
غریبوں کی فکر کو ذہن میں رکھ کر میرٹھ میں آئیڈیل ایجوکیشنل ویلفیئر سوسائٹی کے ممبران نے کلوتھ بینک میں کپڑے جمع کر غریبوں کو سردی سے بچانے کا کام کر رہے ہیں۔
اسی ضمن میں آج ان بے سہارا غریبوں کے درمیان کمبل بھی تقسیم کیے گئے۔
اس سوسائٹی کے ارکان کا کہنا ہے کہ مستقبل میں وہ فری ایمبولینس سروسز اور غریبوں کے لیے چیری ٹیبل او پی ڈی کی بھی جلد شروعات کرنے جا رہے ہیں، تاکہ غریبوں کو سستا علاج فراہم کیا جا سکے ۔
میرٹھ میں فلاحی کاموں میں بڑھ چڑھ کر حصہ لینے والی اس سوسائٹی کے ذمہ داران کا منصوبہ ہے کہ آنے والے دنوں میں وہ غریبوں کو بہتر علاج کے ساتھ ہی مفت ایمبولینس کے علاوہ ان کو مفت میں کھانا کھلانے کی بھی بات کہ رہے ہیں ۔
مقامی افراد کا کہنا ہے کہ اس طرح کے فلاحی کاموں کو انجام دینے سے یقینی طور پر کورونا وبا کے اس ماحول میں غریب افراد کو بھی کچھ راحت مل سکتی ہے۔
