اپنے پارلیمانی حلقے میں حالات کشیدہ ہونے کی خبر سنتے ہی رکن پارلیمان اسمرتی ایرانی امیٹھی پہنچ چکی ہیں۔ انہوں نے ہلاک شدہ کے اہل خانہ سے ملاقات بھی کی ہے اور قصورواروں کے خلاف سخت کاروائی کی یقین دہانی بھی کرائی ہے۔
حالات کی کشیدگی کے پیش نظر اضافی فورسز کو تعینات کردیا گیا ہے۔ پولیس نے پورے معاملے کی جانچ شروع کردی ہے ۔
سریندر سنگھ کے بیٹے ابھئے نے کانگریس پر الزام عائد کرتے ہوئے کہا ہے کہ ہم نے قاتلوں کو نہیں دیکھا مگر اس کے پیچھے کانگریس کے کارکنوں کا ہاتھ ہے۔
یہ حادثہ تب پیش آیا جب سریندر پرتاپ اپنے گھر کے باہر سو رہے تھے تب دو نامعلوم بائیک سواروں نے انہیں گولی مار دی اور فرار ہوگئے۔
زخمی حالت میں سریندر سنگھ کو رائے بریلی لے جایا گیا۔ ڈاکٹروں نے انہیں ٹراما سینٹر ریفر کیا۔
ٹراما سینٹر لے جاتے وقت بچھاؤ گاؤں میں انہوں نے آخری سانس لی ۔
