ملک کا نظام کورونا وبا کی دوسری لہر سے متاثر ہونے کے بعد اب دھیرے دھیرے پٹری پر لوٹنے لگی ہے، اس کے پیش نظر علی گڑھ مسلم یونیورسٹی (اے ایم یو) انتظامیہ نے بھی اپنے داخلے امتحانات کو آف لائن طریقہ سے کرانا شروع کر دیا، لیکن یونیورسٹی انتظامیہ یونیورسٹی کے مختلف پروگرامز اور تاریخی تقریب اب بھی آن لائن طریقہ سے ہی منعقد کررہی ہے۔
اس دوران اے ایم یو انتظامیہ نے اپنے یونیورسٹی کے بانی سرسید احمد خان کی یوم پیدائش کے موقع پر جشن یوم سرسید تقریب کو بھی ان لائن طریقہ سے منعقد کرنے کا فیصلہ کیا ہے۔
اسی ضمن میں اب سوال یہ پیدا ہوتا ہے کہ اگر واقعی کورونا وبا کا خطرہ اب بھی ہے تو پھر یونیورسٹی انتظامیہ داخلے امتحانات کو آف لائن کیوں کرا رہی ہے اور اگر کورونا کا خطرہ زیادہ نہیں ہے تو پھر اپنی ہی یونیورسٹی کے بانی کی یوم پیدائش کے موقع پر ہونے والی تقریب جو ہمیشہ سے جوش و خروش اور بڑے پیمانے پر منائی جاتی ہے اس کو آن لائن منعقد کرانے کا فیصلہ یونیورسٹی انتظامیہ نے کیوں لیا ہے؟
17 اکتوبر 2021 کو جشن یوم سرسید کی تقریب میں مہمان خصوصی سابق چیف جسٹس آف انڈیا ٹی ایس ٹھاکر ہوں گے۔ جشن یوم سر سید کی شروعات صبح یونیورسٹی جامع مسجد میں قرآن خوانی سے ہوگی جس کے بعد وائس چانسلر پروفیسر طارق منصور سرسید احمد خان کی قبر پر گل پوشی اور چادر پوشی کریں گے بعد ازیں مختلف تقریبات آن لائن طریقے سے منعقد کی جائیگی۔
علی گڑھ مسلم یونیورسٹی کے بانی سرسید احمد خان کا پیدائش17 اکتوبر 1817 کو دہلی میں ہوئی اور آپ کی وفات 27 مارچ 1898 کو علی گڑھ میں ہوئی آپ کی قبر یونیورسٹی کی تاریخی جامع مسجد میں موجود ہیں۔
