پولیس کے ہاتھ لگنے کے بعد اس نے اپنے جرم کا اعتراف بھی کیا ہے۔ فی الحال پولیس نے اس کے خلاف مقدمہ درج کر لیا ہے۔
یہ معاملہ دیوی کوتوالی کے بشونپور گاؤں کا ہے۔ یہاں پولیس کو شکایت مل رہی تھی کہ دوکاندار قیمتوں میں اضافہ کر کے ضروری اشیاء فروخت کر رہا ہے۔
اس شکایت پر چوکی انچارج نے سیول ڈریس میں جاکر دوکاندار سے کچھ سامان خریدا، اور دوکاندار نے طے قیمت سے زیادہ کا پرچہ بنایا۔
چوکی انچارج نے طے قیمت کا حوالہ دیا تو وہ بحث کرنےگا۔ اسی درمیان اس سے پان مسالے کے بارے میں پوچھا گیا تو کافی مہنگی قیمت پر اس نے پان مسالہ بھی دے دیا۔
جبکہ لاک ڈاؤن نافذ ہونے کے بعد پان مسالے کی فروخت اور پروڈکشن پر پابندی عائد ہے۔ بعد میں پولیس نے جب اپنا تعارف کرایا تو دوکاندار نے اپنے جرم کا اعتراف کیا اور معافی مانگی، لیکن پولیس نے اس کے خلاف مقدمہ درج کر لیا ہے۔
ایس پی نے اس معاملے کے بعد دوکانداروں کو آگاہ کیا ہے کہ وہ کالابازاری نہ کریں ورنہ سخت کارروائی کی جائے گی۔
