شیو پال یادو نے اپنا انتخابی منشور جاری کرتے ہوئے کہا کہ اگر ملک میں ہماری حکومت بنی یا کسی دوسرے پارٹی کے ساتھ ہم حکومت میں آئے، تو جس طرح سے ایک بزنس مین کو اپنے سامان کی قیمت طے کرنے کی چھوٹ ہوتی ہے۔ اسی طرح کسان کو بھی ان کی پیداوار کی قیمت طے کرنے کی آزادی ہو گی۔
پرگتی شیل سماج وادی پارٹی نے انتخابی منشور جاری کیا شیو پال یادو نے کہا کہ ہم آرٹیکل 341 کی خامیوں کو دور کرکے سب کے لیے برابر کے حقوق فراہم کرائیں گے۔انہوں نے مزید کہا کہ جسٹس رنگ ناتھ مشرا اور جسٹس راجندر سچر کی سفارش کو لاگو کیا جائے گا۔ سچر کمیٹی کی سفارش کی بنیاد پر ملک میں چھوٹے کام کرنے والے 55 فیصد مسلم سماج کے لوگ ہیں۔جدید مدرسہ اساتذہ کی پریشانیوں کو دور کرنا اور مدرسہ کی تعلیم اس طرح کرنا تاکہ وہاں کے طلبہ کو بھی روزگار مل سکے۔شیو پال یادو کے انتخابی منشور کو پئنی نظر سے دیکھا جائے تو پچھڑے، دلت اور مسلمانوں کو اس کے ذریعے انہوں نے اپنے پالے میں کرنے کی بھرپور کوشش کی ہے۔انہوں نے ایک طرف جہاں مسلمانوں کو ریزرویشن دینے کی بات کہی، وہی مسلم علاقوں میں اسکول، کالج اور اردو زبان کو فروغ دینے پر زور دیا۔
