مرادآباد: بزرگ شیعہ عالم دین مولانا حسین الزماں صاحب کا انتقال

شیعہ بزرگ عالم دین الحاج مولانا حسین الزماں عرف مولانا حَسین صاحب قبلہ کا طویل بیماری کے چلتے 95 سال کی عمر میں آج انتقال ہوگیا جس سے شیعہ علماء میں سوگ کی لہر ہے۔

مرادآباد: بھارت کے دور حاضر کے شیعہ بزرگ عالم دین الحاج مولانا حسین الزماں عرف مولانا حَسین صاحب قبلہ کا طویل بیماری کے چلتے 95 سال کی عمر میں آج انتقال ہوگیا جس سے شیعہ علماء اور ضلع سنبھل میں سوگ کی لہر ہے۔

مولانا حسین الزمان صاحب کی پیدائش ضلع سنبھل کے قصبہ سرسی میں 1926 میں ہوئی تھی، انہوں نے اپنے وطن سرسی کے لوگوں کو دینی تعلیم دینے کے مقصد سے 'امامیہ مشن' و 'ادارہ فروغ امام' کے نام سے ایک مدرسہ قائم کیا تھا جس میں بچوں کو مفت دینی تعلیم دی جاتی تھی۔

مولانا حسین الزماں صاحب شیعہ یوتھ فیڈریشن کے صدر بھی رہ چکے تھے اور متعدد عہدے پر وہ فائز تھے، مولانا فی الحال ہندوستان کے موجودہ دور کے سب سے عمر دراز شیعہ عالم دین تھے۔