ریاست اترپردیش کے شہر علی گڑھ میں واقع علی گڑھ مسلم یونیورسٹی (اے ایم یو) کے دواخانہ طبیہ کالج نے اپنے شربت کے ایک پروڈکٹ کو ازسرنو لانچ کیا ہے۔
واضح رہے کہ 'شربت نشاط افروز' طبیہ کالج کا ایک مقبول اور فرحت بخش شربت تھا، جس کی پیداوار (پروڈکٹیویٹی) تقریباً پچیس برسوں سے بند تھی۔
اے ایم یو کے وائس چانسلر ڈاکٹر طارق منصور نے مذکورہ پروڈکٹ کو رسمی طور سے آن لائن لانچ کرتے ہوئے کہا کہ شربت نشات افروز کو بازار میں لانا وقت کی ضرورت تھی، کیونکہ ہربل عناصر پر مبنی یہ شربت موجودہ وقت میں لوگوں کے لیے صحت بخش اور مفید ثابت ہوگا۔
انہوں نے کہا کہ موسم سرما میں اسے پورے ملک میں دستیاب کرانا چاہیے۔
دواخانہ طبیہ کالج کی رکن انچارج پروفیسر سلمیٰ احمد نے کہا کہ صارفین کی نفسیات کو پیش نظر رکھتے ہوئے شربت نشاط افروز کو پرکشش پیکیج میں بازار میں اتارا گیا ہے۔
دواخانہ طبیہ کالج کے کارگزار جنرل مینیجر توفیق احمد نے کہا کہ یہ شربت گزشتہ پچیس برسوں سے بازار میں فروخت کے لیے موجود نہیں تھا، لیکن یہ اپنے منفرد ذائقہ کی وجہ سے عوام میں ضرور مقبول ہوگا۔
