ریاست اترپردیش کے شہر بارہ بنکی میں جن شعراء کرام نے شعر و ادب میں اپنا ایک منفرد مقام بنایا، ان میں ایک اہم ترین نام شمسی مینائی کا ہے۔
شمسی مینائی ایک انقلابی شاعر تھے۔ شعر و ادب کی دنیا میں بارہ بنکی کا خاص مقام رہا ہے۔ یہاں شاعر و ادیب نے ضلع کا نام روشن کیا ہے۔
شمسی مینائی عوامی شاعر تھے اور عوام کے مسائل کو سنجیدگی کے ساتھ پیش کرنے کی وجہ سے انہیں انقلابی شاعر کہا جانے لگا۔
شمسی مینائی 16 ستمبر 1919 کو بستی ضلع میں پیدا ہوئے ، تاہم بارہ بنکی میں اپنی ساری عمر گزار دی۔
شمسی مینائی نظم کے شاعر تھے۔ انہیں نظم لکھنے کا مشورہ جگر مراد آبادی نے دیا تھا۔ سماجوادی نظریہ ہونے کی وجہ سے وہ سوشلسٹ رہنما ڈاکٹر رام منوہر لوہیا کی تحریک میں ساتھ ہو لئے۔ اس وجہ سے ان کی شاعری میں عوام کی فکر اور برابری کا منظر صاف دکھائی دیتا ہے۔
عوامی مسائل پر نظمیں لکھنے کے علاوہ ان مسائل پر بھی انہوں نے شاعری کی جس کی طرف بہت کم توجہ دی جاتی ہے۔
انہوں نے آگ، جاڑے، جیسی مشہور نظمیں لکھیں۔ جس نے عوامی شہرت حاصل کی۔
اس کے علاوہ شمسی مینائی نے فرقہ وارانہ ہم آہنگی اور قومی یکجہتی پر بھی نظمیں لکھی تھی۔
انہیں چترکوٹ کے رامائن میلے میں نظم کہنے کا شرف حاصل ہوا تھا۔ اردو کے کسی بھی شاعر کے لیے بڑے اعزاز کی بات تھی۔
شمسی مینائی نے سنہ 1987 میں وفات پائی۔ اپنے پیچھے چار بیٹے چھوڑ گئے ہیں.
شاعری کی وراثت ان کے تیسرے بیٹے عثمان مینائی نے آگے بڑھا رہے ہیں۔
عثمان مینائی بھی اس دور کے مشہور شاعر ہیں۔ انہیں شمسی مینائی پر فخر ہے اور وہ بھی انہیں کی طرح مقبول ہونے کی کوشش میں لگے ہیں۔
شمسی مینائی وہ شاعر تھے جو مشاعروں کو لوٹ لیا کرتے تھے. ان کے بعد مشاعرے ختم ہو جایا کرتے تھے۔
تاہم وقت بدلنے کے ساتھ موجودہ دور میں یہ انقلابی شاعر گمنام ہوگئے۔ ضلع میں بھی انہیں وہ توجہ نہیں مل سکی، جس کے وہ مستحق تھے۔
