ریاست اترپردیش کے ضلع پرتاپ گڑھ میں ایک سات سالہ بچی کے ساتھ جنسی زیادتی کا معاملہ سامنے آیا ہے، یہ سنسنی خیز معاملہ کندھئی تھانہ کا ہے، اس واقعہ کے بعد اس نے معصوم کو بری طرح سے دھمکی دی جس کے بعد وہ خوفزدہ ہو گئی اور اس نے کسی کو کچھ نہیں بتایا۔
22 ستمبر کو ہوئے اس واقعہ کے بعد متاثرہ کی طبیعت خراب ہوگئی، یکم اکتوبر کو متاثرہ کی صحت مزید خراب ہوگئی، جس کے بعد معاملے کا انکشاف ہوا، کندھئی پولیس نے اہل خانہ کی شکایت کے بعد ملزم کو گرفتار کرلیا۔تاہم اس معاملے میں پولیس نے کسی کو خبر نہیں لگنے دی۔
تھانہ کندھئی کے ایک گائوں کی سات سالہ بچی 22 ستمبر کی شام کو اپنے گھر کے دروازے پر کھیل رہی تھی، اسی دوران گاؤں کا امن ورما وہاں پہنچا۔
الزام ہے کہ اس نے بچی کو بیت الخلا میں لے جا کر اس کے ساتھ زیادتی کی اور دھمکی بھی دی۔
ملزم نے بچی سے کہا کہ اگر اس واقعہ کا تذکرہ کسی سے کیا تو تمہاری گردن کاٹ دوں گا، جس کے بعد متاثرہ بری طرح خوفزدہ ہوگئی، اگلے دن اس کی طبیعت خراب گئی۔
یکم اکتوبر کو جب اس کی حالت مزید خراب ہوئی تو اسے ڈسٹرکٹ ویمن اسپتال لایا گیا، جب اس سے پوچھا گیا تو اس نے روتے ہوئے اپنی والدہ کو سارا واقعہ بتایا۔
جس کے بعد اہل خانہ نے ملزم کے خلاف کندھئی پولیس اسٹیشن میں مقدمہ درج کریا، مقدمہ درج ہونے کے بعد پولیس نے کاروائی کرتے ہوئے ملزم کو گرفتار کرکے جیل بھیج دیا گیا۔
