بی این سنگھ نے سیمنار میں مہمان خصوصی کی حیثیت سے شرکت کی، جہاں انہوں نے خطاب کرتے ہوئے کہا کہ ملک میں سیاسی اور ثقافتی اتحاد اور معاشرتی ہم آہنگی کے ذریعہ مہاتما گاندھی نے قوم کو ایک ہی دھاگے میں جوڑ کر بااختیار بنانے میں اہم کردار ادا کیا ہے۔
بی این سنگھ نے کہا کہ 'آج کا دن ہمیں مواقع فراہم کرتا ہے کہ ہم بابائے قوم مہاتما گاندھی کے نظریات پر عمل کریں اور ان کے نقش قدم پر چلیں'۔
ضلع افسران اور دیگر ملازمین سے خطاب کرتے ہوئے انہوں نے کہا کہ 'تمام افسران، ملازمین اور عوام آج یہ عہد کریں کہ وہ اپنی زندگی میں مہاتما گاندھی کے فلسفے کو اپنائیں گے اور معاشرہ اور ملک کی ترقی کو آگے بڑھانے میں اپنا اہم کردار ادا کریں گے۔
انہوں نے کہا کہ 'بھارت کی آزادی میں گاندھی جی کے فلسفہ کا اہم رول رہا ہے، مہاتما گاندھی نے اتحاد کا پیغام دیا ہے اور ہم ان کے مقروض ہیں'۔
گاندھی جی کے نظریات پر روشنی ڈالتے ہوئے انہوں نے کہا کہ مہاتما گاندھی نے جس سچائی اور عدم تشدد کا راستہ دکھایا ہے وہ نہ صرف بھارت میں ہی مشہور ہے بلکہ اس سے ہمارے ملک کا وقار بڑھ رہا ہے۔
انہوں نے مزید کہا کہ 'گاندھی جی کے فلسفہ اور ان کے نظریات کو اپناتے ہوئے ملک کی ترقی میں ان کے کردار کو ہمیشہ یاد رکھا جائے گا'۔
