اس سیمینار کی صدارت امام سید معصوم علی نے کی، جس کا عنوان راحت مولائی اور قومی ایکتا تھا۔
پروگرام کی نظامت کے فرائض مرحوم راحت مولائی کے صاحبزادے و کانگریس رہنما اسد مولائی نے بخوبی انجام دئیے پروگرام کا آغاز تلاوت کلام پاک سے ہوا، جس کے بعد نعت رسول صل اللہ علیہ وسلم پیش کی گئی۔
اس سیمینار میں مہمان خصوصی کے طور پر بھارت کے معروف شاعر عمران پرتاپ گڑھی اور کانگریس کے سینئر رہنما آچاریہ پرمود کرشنم نے شریک ہوکر مرحوم کو خراج عقیدت پیش کیا اس موقع پر شہر کی سرکردہ شخصیات دانشور سیاسی و سماجی ادبی و صحافی ہستیوں نے بھی شرکت کی۔
پروگرام میں موجود دانشوروں نے مرحوم مولانا سید حلیم الدین راحت مولائی مرادآباد کی زندگی پر روشنی ڈالتی ہوئے کہا کہ مرحوم مولانا سید حلیم الدین راحت مولائی مرادآباد کی ان چنندہ شخصیات میں سے تھے جنہوں نے مرادآباد کے ہر شعبہ میں اپنا ایک الگ مقام بنایا وہ سیاسی میدان کے ماہر کھلاڑی تھے اور جب بھی ان کو قوم کی خدمت کے لیے یاد کیا گیا انہوں نے ہر اس سماجی جماعت کا ساتھ دیا جس نے قوم کی خدمت کا بیڑہ اٹھایا اور ملک کی خوشحالی اور ترقی میں اپنا تعاون دینے کا وعدہ کیا یہی وجہ تھی کہ وہ مختلف سیاسی جماعتوں کے نمائندہ رہے۔
انہوں نے جب عہد کیا کہ وہ کھادی کے علاوہ کوئی دوسرا کپڑا ذیب تن نہیں کریں گے تو انہوں نے آخری وقت تک کھادی کے علاوہ کوئی دوسرا کپڑا زیب تن نہیں کیا۔
