ریاست اتر پردیش کے ضلع مرادآباد میں واقع رامپور کے ریلوے پل پر بنے سیلفی پوائنٹ پر آئے دن ہونے والے حادثے کی تعداد بڑھتی جا رہی ہے۔
ریلوے ٹریک کے سیلفی پوائنٹ پر ایک خاتون کی اس وقت موت واقع ہو گئی جب وہ موبائل فون چلانے میں مصروف تھیں۔
وہاں موجود مقامی لوگوں نے بتایا کہ 'خاتون ریلوے ٹریک پر موبائل میں مصروف تھی اور اسی دوران ٹرین آگئی جس سے خاتون کی موت ہو گئی۔
مرادآباد: جان لیوا بنی سیلفی پوائنٹ
حادثے کی اطلاع ملتے ہی پولیس موقع پر پہنچی اور خاتوں کی شناخت مقامی لوگوں سے کرانے کی کوشش کی مگر شناخت نہیں ہو سکی۔ پولیس نے لاش کو قبضہ میں لیکر پوسٹ مارٹم کے لیے بھیج دیا۔
مقامی لوگوں کا کہنا ہے کہ 'اس مقام پر حادثے کی تعداد میں لگاتار اضافہ ہو رہا ہے۔
اس حادثے کے بعد بھی کافی نوجوان اپنے ہاتھ میں کیمرے اور موبائل لے کر سیلفی پوائنٹ پر ٹہلتے ہوئے نظر آئے۔
