امروہہ: پولیس کی جانب سے طلبہ کو سیلف ڈیفنس کی ٹریننگ

ضلع امروہہ میں پولیس کی جانب سے اسکولوں میں طلبہ کے لیے 'سیلف ڈیفنس' کی کلاسز شروع کی گئی ہیں۔ پولیس کے مطابق ان طلبہ کو سیلف ڈیفنس سکھانے مقصد یہ ہے کہ مصیبت کے وقت اپنی حفاظت کس طرح کر سکیں۔

ریاست اترپردیش کے ضلع امروہہ میں مشن شکتی کے تحت، سپرنٹنڈنٹ پولیس امروہہ سنیتی، ضلع امروہہ کے 13 اسکولوں میں پروگرام چلا کر طلبہ کو 'سیلف ڈفینس' کا ہنر سیکھا رہی ہے۔

اس سلسلے میں امروہہ کی ایس پی سنیتی نے کہا کہ حکومت کی جانب سے خواتین کو بااختیار بنانے والے پروگرام کے تحت پولیس کی جانب سے ضلع میں طلبہ کو 'سیلف ڈفینس' کی ٹریننگ دی جا رہی ہے۔

امروہہ: پولیس کی جانب سے طلبہ کو سیلف ڈفینس کی ٹریننگ

انہوں نے کہا کہ لڑکیوں کو مستقل طور پر حوصلہ افزائی کی جارہی ہے کہ مصیبت کے وقت لڑکیاں اپنی حفاظت کیسے کریں۔ تو وہیں خاص طور پر لڑکیوں کو پولیس کی وردی سے ڈر ختم کرنے کے لیے بھی خاص باتیں سکھائی جا رہی ہیں، تاکہ لڑکیاں کسی بھی پریشانی کی صورت میں پولیس کے سامنے بولنے سے نہ گھبرائے۔