لاک ڈاؤن کے دوران بہت سے تکلیف دہ واقعات پیش آ رہے ہیں۔ اسی طرح کا معاملہ ہردوئی کے رہائشی گڈو کا ہے۔ گڈو ریاست اترپردیش کے ضلع غازی آباد میں سیکیورٹی گارڈ کی حیثیت سے کام کرتا ہے۔ کل گڈو کی والدہ کا ہردوئی میں انتقال ہو گیا۔ لیکن گڈو اپنی والدہ کی آخری رسومات میں بھی نہیں جا پایا۔ ایسی صورتحال میں گڈو نے ویڈیو پیغام کے ذریعہ انتظامیہ سے درخواست کی ہے کہ اسے اپنی والدہ کی آخری رسومات کے لیے اجازت دی جائے۔
وسائل مہیا کرانے کی بھی گڈو نے گذارش ہے۔ اس نے کہا ہے کہ اسے ہردوئی جانے کے لیے کوئی وسائل مہیا کرائی جائے۔ تاکہ وہ اپنی والدہ کے رسومات میں شامل ہو سکے۔ گڈو کو جتنی جانکاری تھی، اس نے اپنی بات انتظامیہ تک پہنچانے کی پوری کوشش کی ہے۔ اسے جواب کا انتظار ہے۔
معلومات کے مطابق گڈو کی بوڑھی ماں کا انتقال بیماری سے ہوئی ہے۔ یہ بھی بتایا جارہا ہے کہ پچھلے کئی دنوں سے بوڑھی ماں اپنے بیٹے گڈو سے ملنا چاہتی تھی۔ لیکن لاک ڈاؤن کی وجہ سے گڈو گھر اپنی ماں سے ملنے نہیں جا پایا۔ والدہ نے یہ بھی کہا تھا کہ وہ بیمار ہے۔ ایک بار آپ بیٹے کا چہرہ دیکھ لے گی تو ٹھیک ہو جائے گی۔ لیکن بیمار ماں آخری بار اپنے بیٹے کا چہرہ نہیں دیکھ سکی۔ اب گڈو کے سامنے سب سے بڑا سوال یہ ہے کہ کیا گڈو آخری بار اپنی ماں کو دیکھ پائے گا یا نہیں۔
