غازی آباد: اتر پردیش کا ضلع غازی آباد کے مودی نگر میں ڈپٹی کلکٹر( ایس ڈی ایم) نے بھاری پولس فورس کے ساتھ گاؤں تلہیتہ سے سرکاری زمین واگزار کرائی۔ یہی نہیں زمین پر کی گئی تعمیر کو بلڈوزر کے ذریعے مسمار کر دیا گیا۔ ایس ڈی ایم شبھانگی شکلا نے بتایا کہ کافی عرصہ قبل ایک شکایت ملی تھی کہ تلہیٹہ گاؤں کے خسرہ نمبر 469 کی 2360 ہیکٹر اراضی پر لینڈ مافیا نے قبضہ کر رکھا ہے۔ SDM handed over government land, demolished the wall
مزید پڑھیں:
تحقیقات کے لیے محکمہ ریونیو کی ٹیم تشکیل دی گئی۔ ٹیم نے موقع پر جا کر دیکھا تو شکایت درست پائی گئی۔ یہی نہیں اس نے زمین پر قبضہ کرنے کے بعد اس کی چاردیواری بھی بنا لی تھی۔ ڈپٹی کلکٹر نے بتایا کہ آج صبح ریونیو ٹیم اور پولیس کے ساتھ مل کر زمین کو واگزار کروایا گیا اور بلڈوزر سے پکی تعمیر کو منہدم کردیا گیا۔ انہوں نے کہا کہ تجاوزات اور ناجائز قبضوں کے خلاف مہم چلائی جائے گی۔ انہوں نے کہا کہ تمام لیکھپالوں کو وارننگ دی گئی ہے کہ اگر سرکاری زمین پر قبضہ پایا گیا تو ان کے خلاف کارروائی کی جائے گی۔
