گزشتہ روز ضلع مظفر نگر میں ڈی ایم ایس ایس پی نے ایک پریس کانفرنس میں بتایا تھا کہ ایریا سیکٹر مجسٹریٹ کی جانب سے چیکنگ کے دوران حلف نامے بھروائے جائیں گے جو سڑکوں پر غیر ضروری طور پر گھومتے ہیں اور ان کے ہاتھ پر مہر لگائیں گے اور متنبہ کیا جائے گا کہ اگر یہ لوگ دوبارہ لاک ڈاؤن کی خلاف ورزی کرتے پائے گئے تو ان کے خلاف سخت کارروائی کی جائے گی۔
اسی دوران سیکٹر مجسٹریٹ دیپک کمار نے میناکشی چوک اور مہاویر چوک کے چوراہوں پر چیکنگ آپریشن شروع کیا اور بڑی تعداد میں لوگوں سے حلف نامے بھروائے، اور پولیس کے ذریعے ان کے ہاتھوں پر موہر لگائی گئی، اس موہر پر لکھا تھا کہ، گھر رہو سلامت رہو۔
ایس ڈی ایم دیپک کمار نے لاک ڈاؤن کی خلاف ورزی کرنے والے لوگوں کو سخت انتباہ دیتے ہوئے کہا کہ اگر دوبارہ لاک ڈاؤن کی خلاف ورزی کرتے ہوئے پائے گئے تو آپ سے دوبارہ حلف نامے بھروائے جائیں گے۔اور ان کے خلاف مقدمہ درج کرکے جیل بھیج دیا جائے گا۔
