نائب وزیراعلیٰ اور ثانوی تعلیم کے وزیر ڈاکٹر دنیش شرما نے کہا کہ کووڈ کے سبب کئی خاندان مالی طور پر متاثر ہوئے ہیں۔
اسکول بند ہیں تاہم آن لائن تعلیم جاری ہے۔ ان تمام صورتحال کے پیش نظر حکومت نے ایک ایسا متوازن فیصلہ کیا ہے جس سے کہ عوام پر اضافی بوجھ نہ پڑے۔ ساتھ ہی اسکول میں بر سر کار ٹیچر اور اہلکاروں کو با ضابطہ تنخواہ دی جا سکے۔
انہوں نے بتایا کہ اسکول تعلیمی سیشن 2021-22 میں گذشتہ برس کی طرح اسی فیس ڈھانچے کے حساب سے فیس لے سکیں گے جو سنہ 2019-20 میں نافذ کیا گیا۔
اگر کسی اسکول نے بڑھے ہوئے فیس ڈھانچے کے مطابق فیس لے لی ہے تو اس بڑھی ہوئی فیس کو آگے کے مہینوں کی فیس میں شامل کیا جائے گا۔
انہوں نے کہا کہ اسکول بند رہنے کی وقت میں ٹرانسپورٹ فیس نہیں لیا جائے گا۔ علاوہ ازیں کسی طالب علم یا گارجین کو تین ماہ کے عبوری فیس جمع کرنے میں کسی طرح کی پریشانی آ رہی ہے تو ان کی درخواست پر ان سے ماہانہ فیس ہی لیا جائے۔
اس صورتحال میں انھیں تین ماہ کی عبوری فیس دینے کے لیے پابند نہیں کیا جا سکے گا۔
یو این آئی،ایم اے
