سنجے سنگھ نے پروگرام میں کانگریس چھوڑ کر عام آدمی پارٹی میں شامل ہونے والے کارکنان کو سرٹیفیکٹ دے کر پارٹی کی رکنیت دلائی۔
صحافیوں سے بات کرتے ہوئے انہوں نے بہار الیکشن کے ایگزٹ پول اور بہار بی جے پی پر شدید نکتہ چینی کی۔
انہوں نے کہا کہ امریکہ میں ڈونلڈ ٹرمپ کی شکست کے بعد سے امریکہ میں چل رہی تانا شاہی ختم ہوگئی ہے۔
سنجے سنگھ نے اترپردیش حکومت پر نکتہ چینی کی
سنجے سنگھ نے بی جے پی حکومت پر نکتہ چینی کرتے ہوئے کہا کہ بی جے پی کی طرف سے آئے دن مسلمانوں کے خلاف بیان بازی ہوتی رہتی ہے ان بیان بازی کے ذریعہ بی جے پی الیکشن میں مدعا بنا کر کھڑی ہوتی ہے۔
انہوں نے مزید کہا کہ اتر پردیش میں عام آدمی پارٹی نے سنہ 2022 کے الیکشن کی تیاریاں کرلی ہیں اور ریاست کی تمام سیٹوں پر اپنے امیدوار اتاریں گی۔
