ریاست اترپردیش کے ضلع مرادآباد میں سماجوادی پارٹی کی طلبہ تنظیم سماج وادی پارٹی کے یوتھ جن سبھا کارکنان نے ضلع کلیکٹریٹ پر احتجاج کیا۔
سماج وادی یوتھ جن سبھا کا احتجاج
واضح رہے کہ یہ احتجاجی مظاہرہ بی جے پی حکومت کے خلاف سماج وادی یوتھ جن سبھا کے سابق مرادآباد ضلع صدر کی جانب سے کیا گیا۔
اس احتجاج میں ضلع صدر نے کہا کہ ریاست میں کاشتکاروں کا برا حال ہے، کیوں کہ کاشتکاروں کے گنے کا بھگتان وقت پر نہیں کیا جا ریا ہے۔
انہوں نے مزید کہا کہ ریاستی سرکار تین مہینے کی سکولز کی فیس معاف کرے، بے روزگار نوجوانوں کو روزگار دیا جانا چاہیے۔
انہوں نے کہا کہ یوگی سرکار روزگار دینے کی جگہ لوگوں کو بے روزگار کررہی ہے۔
انہوں نے مزید کہا کہ اترپردیش میں بی ایڈ انٹرنس امتحان میں دلت طلبہ و طالبات کے فری انٹرنس پر سرکار نے روک لگادی ہے جس روک کو ہٹایا جانا چاہیے۔
