سماجوادی کے اس مظاہرے میں پارٹی کے متعدد سینئر رہنماؤں خطاب کیا۔
مرادآباد سے رکن پارلیمان ایس ٹی حسن نے اپنے خطاب میں اعظم خان پر دائر کئے گئے مقدموں کے سلسلے میں کہا کہ ان پر بے بنیاد الزامات عائد کرکے ان کی صاف و شفاف شخصیت کو مجروح کرنے کی کوشش کی جا رہی ہے۔
انہوں نے کہا کہ رامپور ہی نہیں اس وقت پوری ریاست میں لا اینڈ آرڈر کی کیسی صورتحال ہے اس سے ہر کوئی واقف ہے۔ایسا شخص جس نے نئی نسل کو تعلیم سے آراستہ کرنے کے لئے شب و روز محنت کرکے 'محمد علی جوہر جیسی یونیورسٹی' قائم کیا، آج اسی پر طرح طرح کے الزامات عائد کئے جا رہے ہیں۔
انہوں نے یہ بھی کہا کہ اعظم خاں نے بیس بیس روپے چندے اکٹھا کرکے اس یونیورسٹی کی تعمیر کی ہے اور آج انھیں زمین مافیہ ثابت کرنے کی کوشش کی جا رہی ہے۔
رامپور کی عوام سے اپیل کرتے ہوئے ایس ٹی حسن نے کہا کہ یونیورسٹی کو بچانے میں اپنا کردار ادا کریں۔ یہ آپ کی نسل در نسل کام آئے گی۔
رکن پارلیمان نے سون بھدر واقعہ اور اناو کی عصمت دری متاثرہ کا ذکر کرکے بی جے پی حکومت کو اپنی سخت تنقیدوں کا نشانہ بنایا۔
ایس ٹی حسن کا کہا کہ سون بھدر کا واقعہ اور اناو کی عصمت دری کی متاثرہ کی آواز کو دبانے کے لئے بی جے پی کس حد تک گر گئی یہ پوری دنیا نے دیکھ لیا۔
