سماجوادی پارٹی کے رہنما یوسف ملک نے مرادآباد میں جوہر یونیورسٹی کے گیٹ کو بچانے اور رام پور سے سماج وادی پارٹی کے رکن پارلیمان اعظم خان اور ان کے بیٹے عبداللہ اعظم کی رہائی کے مطالبے کو لے کر مشعل جلوس نکالا۔
ایس پی رہنما نے الزام لگایا کہ 'اترپردیش کے وزیر اعلیٰ یوگی آدتیہ ناتھ نے ابھی تک غریب بچوں کے لیے کوئی ایسا ادارہ قائم نہیں کیا ہے جس طرح اعظم خان نے کیا ہے۔'
انہوں نے وزیر اعلیٰ سے مطالبہ کیا کہ 'اس یونیورسٹی کے بچوں کا مستقبل نہ خراب کریں۔ ہم اپنے بچوں کو آپ سے تعلیم کا حق مانگ رہے ہیں کچھ اور نہیں۔'
سماج وادی پارٹی کے رہنما یوسف ملک نے ایک مشعل جلوس نکالا اور ضلع مجسٹریٹ مراد آباد کے ذریعے اتر پردیش کے گورنر کو ایک میمورنڈم پیش کیا۔
یہ بھی پڑھیں: مرادآباد: اعظم خاں کی رہائی اور مہنگائی کے خلاف احتجاج
میمورنڈم میں ایس پی رہنما نے مطالبہ کیا ہے کہ 'یونیورسٹی کا گیٹ نہ توڑا جائے، اعظم خان اور ان کے بیٹے پر سے تمام مقدمات واپس لیے جائیں۔
