اترپردیش کے ضلع بریلی میں سماجوادی پارٹی کی جانب سے مہنگائی، ترقیاتی کاموں میں بدعنوانی، بےروزگاری، خواتین کے عدم تحفظ اور بڑھتے ہوئے جرائم کے علاوہ حالیہ ضلع پنچایت اور بلاک پرمُکھ کے انتخابات میں دھاندلی کے خلاف جم کر احتجاج کیا گیا۔
اس دوران پارٹی کے اعلیٰ عہدیداروں کی جانب سے گورنر کے نام ضلع مجسٹریٹ ایک میمورنڈم پیش کرنا تھا، لیکن ضلع مجسٹریٹ کے نہیں آنے کی وجہ سے میمورنڈم سٹی مجسٹریٹ کو سونپا گیا۔ لیکن ضلع مجسٹریٹ کے دفتر نہیں آنے کے بعد سماجوادی کارکنان نے ضلع کلیکٹریٹ کے گیٹ پر جم کر ہنگامہ کیا۔
مزید پڑھیں:
اس ضمن میں سماجوادی پارٹی کے ضلع صدر اگم موریہ نے کہا کہ 'اتر پردیش میں موجودہ حکومت پوری طرح ناکام ثابت ہوئی ہے۔ خواتین کے تحفظ کی بات ہو یا روزگار مہیا کرانے کی، ترقیاتی کاموں میں بےضابطگی کی بات ہو یا پھر سرکاری دفاتر میں بدعنوانی کی، حکومت اتر پردیش ہر ایک مورچہ پر ناکام ثابت ہوئی ہے۔
