سماج وادی پارٹی کے ایم ایل سی راجیش یادو بارہ بنکی کی نوین منڈی کے دھان خرید مرکز پر پہنچے اور وہاں کئی دنوں سے دھان خرید کی امید میں شب و روز گزار رہے کسانوں کا حال دیافت کیا۔
راجیش یادو نے شدید سردی کے پیش نظر منڈی میں موجود کسانوں میں کمبل تقسیم کیا۔ اس کے بعد ایم ایل سی نے مرکز کی سبھی ترازوؤں کا جائزہ لیا۔
وہاں موجود کسانوں نے ایم ایل سی سے شکایت کی کہ یہاں ان کا کوئی پرسان حال نہیں ہے۔ دھان نہیں خریدے جانے کی وجہ سے ان کی مالی حالت بگڑتی جا رہی ہے۔
ایم ایل سی نے زرعی قوانین کے خلاف جاری کسانوں کے احتجاج پر اظہار خیال کرتے ہوئے کہا کہ اس وقت کسان اپنے وقار کی لڑائی لڑ رہا ہے۔ انہوں نے مرکزی حکومت پر الزام لگایا کہ اس کے ہی اشارے پر سندھو بارڈر پر کسانوں کو پریشان کیا جا رہا ہے۔
مزید پڑھیں:
کسانوں کا احتجاج 27 ویں دن بھی جاری
انہوں نے کہا کہ کسانوں کے اس احتجاج میں اب تک درجنوں موت ہو گئی ہیں، جو شرمناک بات ہے۔ کسانوں کی آمدنی دوگنی کرنے والی حکومت سرمایہ کاروں کی ہوکر رہ گئی ہے۔
