ریاست اتر پردیش کے مرادآباد میں سماج وادی پارٹی کے یوو جن سبھا کے مہانگر صدر اکشے بھٹناگر نے ای ٹی وی بھارت اردو سے بات چیت کرتے ہوئے کہا کہ ملک بھر میں مسلسل مہنگائی بڑھ رہی ہے۔
انہوں نے کہا کہ ڈیزل پٹرول اور گیس کے ساتھ ہی تمام چیزیں مہنگی ہوتی جارہی ہیں لیکن حکومت لگاتار بڑھتی مہنگائی کو نظر انداز کررہی ہے۔
اکشے بھٹناگر نے مزید کہا کہ اگر مرادآباد کی بات کی جائے تو مرادآباد کی سڑکوں میں گہرے گہرے گڑھے ہیں بلکہ یہ کہنا غلط نہ ہوگا کہ سڑک میں گڑھے نہیں بلکہ گڑھوں میں سڑک ہے۔
یہ بھی پڑھیں: میں کانگریس چھوڑ رہا ہوں لیکن بی جے پی جوائن نہیں کروں گا: امریندر سنگھ
سماجوادی پارٹی کے یو جن سبھا کے مہا نگر صدر نے کہا کہ سماج وادی پارٹی نے تعلیم کے منصوبوں پر کام کیا ہے۔ اگر ہماری حکومت آتی ہے تو ہم مرادآباد میں ایک سرکاری یونیورسٹی قائم کریں گے کیونکہ مرادآباد میں یونیورسٹی کی مانگ سب سے پرانی ہے۔
