اترپردیش کے ضلع بارہ بنکی میں سماجوادی پارٹی کی کارکنان کے جانب سے آج بیروزگاری، مہنگائی، بدعنوانی اور پولیس استحصال سمیت مختلف مطالبات کے پیش نظر سائیکل ریلی نکالی گئی۔
اس دوران بارہ بنکی کی سبھی 6 تحصیلوں میں سائیکل ریلی کو مزید حمایت حاصل ہوئی اور لوگوں نے سائیکل ریلی میں کثیر تعداد میں حصہ لیا۔
واضح رہے کہ بارہ بنکی کی تمام تحصیلوں میں پارٹی کے علاقائی سینئر رہنماؤں کی قیادت میں یہ ریلی نکالی گئی، جبکہ بارہ بنکی شہر میں یہ سائیکل ریلی رکن اسمبلی دھرم راج یادو عرف سریش یادو کی قیادت میں نکالی گئی۔ سائیکل ریلی کو سابق ریاستی دیا رام پال نے ہری جھنڈی دکھاکر روانہ کیا، جو بنکی بلاک سے آلاپور گدیا ہوتے ہوئے دیوی روڈ پر اختتام پذیر ہوئی۔
اس موقع پر سابق وزیر دیا رام پال نے کہا کہ 'پارٹی سائیکل ریلی کے ذریعہ عوام کو جگانے کی کوشش کررہی ہے، تاکہ وہ ریاستی حکومت کی جانب سے جاری کردہ عوام مخالف پالیسی کے خلاف آواز بلند کرے اور ریاست میں سماجوادی پارٹی کی حکومت تشکیل ہوسکے۔
