سہارنپور: الیکشن کمیشن نے ریاستوں کے اسمبلی انتخابات Assembly elections 2022 کے تاریخوں کے اعلانات کے بعد تمام سیاسی پارٹیاں اقتدار میں آنے کے لیے جی توڑ محنت کر رہے ہیں، تو وہیں کئی سیاسی پارٹیوں نے بھی اپنے امیدواروں کا اعلان کر دیا۔
اسی درمیان بی جے پی حکومت میں وزیر رہے ڈاکٹر دھرم سنگھ سینی ایس پی میں شامل ہو کر آج سہارنپور ضلع کی نکوڑ اسمبلی سیٹ سے پرچہ داخل کیا۔ ساتھ ہی ان کے ساتھ عمران مسعود بھی نظر آئے۔
ڈاکٹر دھرم سنگھ سینی نے کہا کہ بی جے پی حکومت میں رہتے ہوئے بھی وہ کوئی ترقیاتی کام نہیں کرسکے۔ یہی نہیں، انہوں نے بی جے پی حکومت کو ہٹلر شاہی حکومت قرار دیا۔
انہوں نے کہا کہ اس بار عمران مسعود اپنا الیکشن سمجھ کر ان کے ساتھ الیکشن لڑ رہے ہیں جس میں اس کی جیت یقینی ہے۔ اگرچہ ڈاکٹر دھرم سنگھ سینی گزشتہ 20 سالوں سے ایم ایل اے اور کئی اسمبلی انتخابات جیتنے کے بعد 15 سالوں سے وزیر رہے ہیں، مگر عمران مسعود اور ڈاکٹر دھرم سنگھ سینی ہر الیکشن میں آمنے سامنے رہے ہیں۔
یہ بھی پڑھیں: Akhilesh Yadav Criticizes BJP: اکھیلیش یادو کا بی جے پی پر تنقید
یہ پہلی بار ہے کہ عمران مسعود اسمبلی انتخابات میں ڈاکٹر دھرم سنگھ سینی کی حمایت کر رہے ہیں۔
