یو پی ایس سی امتحان میں کامیاب ہونے والے سیف اللہ کے گھر پر ابھی بھی لوگوں کے مبارکباد دینے کا سلسلہ جاری ہے۔
سیف اللہ نے میڈیا سے بات چیت کرتے ہوئے بتایا کہ ان کی کامیابی کے پیچھے ان کے استاذ اور ماں باپ کا ہاتھ ہے۔
انہوں نے بتایا کہ یہ امتحان میں نے پہلی بار میں ہی پاس کیا ہے۔ اس امتحان کو پاس کرنے میں وہ تقریبا 24 گھنٹے میں 12 سے 14 گھنٹے پڑھائی کیا کرتے تھے۔
جو طلبہ آئی اے ایس امتحان کی تیاری کر رہے ہیں ان کو ہدایت دیتے ہوئے سیف اللہ نے کہا کہ کامیابی حاصل کرنے کے لئے ایمانداری، محنت، لگن اور حوصلے کا ہونا بے حد ضروری ہے۔ میں نے اس کامیابی کو حاصل کرنے کے لئے اپنے کئی عزیزوں کی شادیوں اور پروگراموں کو چھوڑا ہے۔
سیف اللہ کے والد شمیم احمد نے کہا میرے بیٹے نے کامیابی حاصل کی میں اللہ کا شکر گزار ہوں اور میں خود کو ایک خوش نصیب باپ سمجھتا ہوں۔
