سہارنپور میں اسٹار پیپر مل میں لکڑی کو کاٹنے والے پلانٹ میں آتشزدگی کی وجہ سے یہاں رکھی پرانی لکڑیوں میں آگ لگ گئی۔ آگ بھڑکنے کے بعد علاقہ میں افراتفری پھیل گئی۔ فائر بریگیڈ محکمے کی گاڑیوں نے دو گھنٹے کی مشقت کے بعد آگ پر قابو پالیا۔
سہارنپور: اسٹار پیپر مل میں آتشزدگی کا واقعہ
اسٹار پیپر مل میں گذشتہ رات تقریبا ساڑھے آٹھ بجے آتشزدگی کا واقع پیش آیا۔ اطلاع کے فوری بعد سی ایف او تیج ویر سنگھ، تھانہ صدر بازار انچارج ہریندرا سنگھ، پولیس فورس اور فائر بریگیڈ عملہ موقع پر پہنچ گیا۔ فائر بریگیڈ عملہ نے دو گھنٹوں کی مشقت کے بعد آگ پر قابو پایا۔
آگ لگنے کے بعد مل میں کام کرنے والے ورکرز نے بھی آگ بجھانے کی کوشش کی۔ مل میں آگ لگنے کی وجود کا علم نہ ہوسکا۔ جبکہ پولیس نے اس سلسلہ میں تحقیقات کا آغاز کردیا ہے۔
